Pontevedra, Galiza, 1978
Estudou fotografía na Escola Superior de Deseño e Arte Antonio Faílde de Ourense e Belas Artes na Universidade de Vigo, Pontevedra.
Traballou con y/o para La Voz de Galicia, Diario de Arousa, Diario de Pontevedra e publicou o seu traballo documental en diversas revistas nacionais e internacionais. Expuxo en numerosas mostras individuais e colectivas en toda Galicia, en Barcelona, Portugal e Brasil.
En 2009 publicou o libro No Grande Azul, documental sobre a vida e traballo da xente do mar.
En 2015 publicou o libro Rururbania Salnés, documental sobre a insana relación entre natureza e ser humano no Val do Salnés (Galicia).
Actualmente dedícase á realización de proxectos de longa duración, imparte obradoiros fotográficos e recibe determinados encargos comerciais.
Recibiu a bolsa fotográfica O Mar. Foi finalista nunha ocasión e gañador noutra do Premio Galicia de fotografía contemporánea. Recibiu a Axuda para a creación visual da VEGAP. Gañou o premio Imaxes con fondo. Foi finalista do certame A imaxe de Galiza, do certame Revela, Premio internacional de fotografía a los titulares de los derechos sociales e en dúas ocasións do certame Novos Valores. No ano 2014 recibe o Premio Galicia de Fotografía Contemporánea na súa II edición, premio outorgado no marco do 32º Festival Outono Fotográfico.
A súa obra encóntrase nos fondos do Museo do mar de Galicia, nos fondos do festival Outono Fotográfico e en diversas coleccións particulares.